ବଲିଓଡ଼ ୧୫/୦୫ : ଅମିର ଖାନଙ୍କ ଆଗାମୀ ନୂଆ ଫିଲ୍ମ ରିଲିଜ ହେବାକୁ ଯାଉଛି ଯାହାର ଟ୍ରେଲରକୁ ଉତ୍ସାହର ସହିତ ଅପେକ୍ଷା କରିଛନ୍ତି ଦର୍ଶକ । ତେବେ ନିକଟରେ ଏକ ଖବର ଆସିଥିଲା ଯେ ଭାରତ-ପାକିସ୍ତାନ ଉତ୍ତେଜନା ମଧ୍ୟରେ ଏହାର ଟ୍ରେଲରକୁ ସ୍ଥଗିତ ରଖାଯାଇଥିଲା । କିନ୍ତୁ ଏବେ ଫ୍ୟାନ୍ସମାନେ ଏକ ଭଲ ଖବର ପାଇଛନ୍ତି । ଫିଲ୍ମର ଟ୍ରେଲର ୧୩ ମଇରେ ଦେଖିବାକୁ ମିଳିଥିଲା। କିନ୍ତୁ ନିର୍ମାତାମାନେ ଟ୍ରେଲର ରିଲିଜ୍ କରିବାର ଏକ ଅନନ୍ୟ ଉପାୟ ଖୋଜି ପାଇଛନ୍ତି । ଆମିର ଖାନଙ୍କ ପ୍ରଡକ୍ସନ୍ସ କିଛି ସମୟ ପୂର୍ବରୁ ଏକ ଭିଡିଓ ସେୟାର କରିଥିଲେ । ଯେଉଁଥିରେ ଆମିର ଖାନଙ୍କ ସହ ଏହି ଫିଲ୍ମରେ ଅନ୍ୟ କେଉଁମାନେ ନଜର ଆସିବେ ସେମାନଙ୍କର ଏକ କଟଆଉଟ୍ ଅଛି ।
ଆମିର ଖାନଙ୍କ ପ୍ରଡକ୍ସନ୍ସ ହାଉସରୁ ମିଳିଥିବା ସୂଚନା ଅନୁଯାୟୀ, ‘ସିତାରେ ଜମିନ୍ ପର’ର ଟ୍ରେଲର ୧୩ ମଇ ରାତିରେ ରିଲିଜ୍ ହୋଇଛି । ଯାହା Zee ନେଟୱାର୍କ ଚ୍ୟାନେଲଗୁଡ଼ିକରେ ସନ୍ଧ୍ୟା ୭:୫୦ ରୁ ୮:୧୦ ପର୍ଯ୍ୟନ୍ତ ପ୍ରଦର୍ଶିତ ହୋଇଥିଲା । ଫିଲ୍ମର ଟ୍ରେଲରଟି ରାତି ୮:୨୦ ସୁଦ୍ଧା ଆମିର ଖାନ ପ୍ରଡକ୍ସନର ସୋସିଆଲ ମିଡିଆ ହ୍ୟାଣ୍ଡେଲରେ ସେୟାର କରାଯାଇଥିଲା ।
ଆମିର ଖାନଙ୍କ ଫିଲ୍ମର ଟ୍ରେଲରକୁ ନେଇ ଦର୍ଶକମାନେ ବହୁତ ଉତ୍ସାହିତ ଥିବା ଜଣାପଡୁଛି । ଏହା ପଛରେ କାରଣ ହେଉଛି CBFC ର ରିଆକ୍ସନ୍ । ନିକଟରେ, ଫିଲ୍ମର ଟ୍ରେଲରକୁ ଗ୍ରୀନ ସିଗ୍ନାଲ ମିଳିଛି । ଏହି ସମୟରେ ସେ ଟ୍ରେଲରର ବହୁତ ପ୍ରଶଂସା କରାଯାଇଥିଲା । ଏହା ସହିତ, ‘ଲାଲ ସିଂହ ଚଡ୍ଡା’ର ଫ୍ଲପ୍ ପରଠାରୁ ଆମିର ଖାନ ଫିଲ୍ମ ଦୁନିଆରୁ ଦୂରେଇ ଅଛନ୍ତି । ଏବେ ସେ ଦୀର୍ଘ ସମୟ ପରେ ଏକ ନୂଆ ଫିଲ୍ମରେ କମ୍ ବ୍ୟାକ୍ କରିବାକୁ ଯାଉଛନ୍ତି ଯାହାକୁ ନେଇ ତାଙ୍କ ଫ୍ୟାନ୍ସମାନେ ବେଶ ଖୁସି ଅଛନ୍ତି ।
ଆମିର ଖାନଙ୍କ ‘ତାରେ ଜମିନ୍ ପର’ ୨୦୦୭ ମସିହାରେ ରିଲିଜ ହୋଇଥିଲା । ଆଗାମୀ ଫିଲ୍ମ ଏହାର ଦ୍ୱିତୀୟ ଭାଗ ଯେଉଁଥିରେ ବହୁତ ହସ ମଜା ରହିବ । ଯାହା ବିଷୟରେ ଆମିର ଖାନ ବହୁତ ପୂର୍ବରୁ ସୂଚନା ଦେଇସାରିଛନ୍ତି ।
ତେଣୁ ଏହା ଭଲ ରୋଜଗାର କରିବ ବୋଲି ଆଶା କରାଯାଉଛି । ଫିଲ୍ମର ପ୍ରଥମ ଭାଗ ସାରା ବିଶ୍ୱରୁ ୯୮.୫ କୋଟି ଟଙ୍କା ରୋଜଗାର କରିଥିଲା ଏବଂ ଏହା ସୁପରହିଟ୍ ହୋଇଥିଲା ।