ବାଣିଜ୍ୟ ୧୯/୫ :ଖୁବଶୀଘ୍ର ଆସିବ ନୂଆ ୨୦ ଟଙ୍କିଆ ନୋଟ୍। ଭାରତୀୟ ରିଜର୍ଭ ବ୍ୟାଙ୍କ୍ ବା ଆରବିଆଇ ପକ୍ଷରୁ ଏନେଇ ଶନିବାର ସୂଚନା ଦିଆଯାଇଛି। ଆରବିଆଇର ସୂଚନା ଅନୁସାରେ ନୂଆ ନୋଟ ଉପରେ ଗଭର୍ଣ୍ଣର ସଞ୍ଜୟ ମଲହୋତ୍ରାଙ୍କ ଦସ୍ତକ୍ଷତ ରହିବ। ଏହା ସହ ଆରବିଆଇ ପକ୍ଷରୁ କୁହାଯାଇଛି ନୂଆ ୨୦ ଟଙ୍କିଆ ନୋଟ ଜାରି ହେଲେବି ପୁରୁଣା ନୋଟ ଚାଲୁ ରହିବ। ଏହାର ଅର୍ଥ ଯେଉଁ ବର୍ତ୍ତମାନ ଯେଉଁ ନୋଟ ଚାଲୁଛି ତାହା ଚାଲୁ ରହିବ। ପୁରୁଣା ନୋଟର ଚଳନ ଉପରେ କୌଣସି ପ୍ରକାର ପ୍ରତିବନ୍ଧକ ରହିବନି।
ତେବେ କୁହାଯାଉଛି ନୂଆ ନୋଟର ଡିଜାଇନ ବର୍ତ୍ତମାନର ନୋଟ ଠାରୁ କିଛି ଭିନ୍ନ ହୋଇପାରେ। ଏଥିରେ ନୂଆ ରଙ୍ଗ ଆଉ କିଛି ନୂଆ ଫିଚର ଦେଖିବାକୁ ମିଳିପାରେ। ନୋଟରେ ମହାତ୍ମା ଗାନ୍ଧୀଙ୍କ ଫଟୋ ପୂର୍ବାପେକ୍ଷା ଅଧିକ ସ୍ପଷ୍ଟ ଦେଖାଯିବ। ଏଥିରେ ଓ୍ବାଟରମାର୍କ, ସିକ୍ୟୁରିଟି ଥ୍ରେଡ ଏବଂ ନମ୍ବର ପ୍ୟାଟର୍ଣ୍ଣକୁ ଆହୁରି ମଜଭୁତ କରାଯିବ। ଭାରତୀୟ ରିଜର୍ଭ ବ୍ୟାଙ୍କ୍ର ଉଦ୍ଦେଶ୍ୟ ଟଙ୍କାକୁ ସୁରକ୍ଷିତ ରଖିବା ଏବଂ ଠକେଇ ତଥା ନକଲି ନୋଟ ପ୍ରଚଳନକୁ ରୋକିବା ପାଇଁ ବିଭିନ୍ନ ସମୟରେ ନୂଆ ନୋଟ ଜାରି କରିଥାଏ। ଏହା ବାଦ ନୂଆ ଗଭର୍ଣ୍ଣର ଦାୟିତ୍ବ ନେବା ପରେ ମଧ୍ୟ ତାଙ୍କ ଦସ୍ତକ୍ଷତ ସହ ନୂଆ ନୋଟ ଜାରି କରାଯାଇଥାଏ।