ମେଟ୍ରୋରେ ଖାଉଥିବା ମହିଳାଙ୍କ ଉପରେ ୫୦୦ ଟଙ୍କା ଜରିମାନା

ବେଙ୍ଗାଲୁରୁ ୨୮/୪ : ବେଙ୍ଗାଲୁରୁ ମେଟ୍ରୋ ଭିତରେ ଜଣେ ମହିଳା ଯାତ୍ରୀଙ୍କ ଖାଇବାର ଦୃଶ୍ୟ ସୋସିଆଲ ମିଡିଆରେ ପ୍ରକାଶ ପାଇବା ପରେ ତାଙ୍କୁ ୫୦୦ ଟଙ୍କା ଜରିମାନା କରାଯାଇଛି। ଶନିବାର ଦିନ ଯାତ୍ରୀ ଜଣକ ମୋଟ୍ରୋ ଯୋଗେ ମାଦାଭାରା ଷ୍ଟେସନରୁ ମାଗାଡି ରୋଡକୁ ଯାତ୍ରା କରୁଥିଲେ। ତେବେ ସେ ମେଟ୍ରୋରେ ଚଢ଼ିବା ପରେ ଖାଇବା ବେଳର ଦୃଶ୍ୟକୁ ଜଣେ ସହଯାତ୍ରୀ ତାଙ୍କ କ୍ୟାମେରାରେ କଏଦ କରିଥିଲେ।ସୋସିଆଲ ମିଡିଆରେ ଅପଲୋଡ୍ ହୋଇଥିବା ଏକ ଭିଡିଓରେ ମହିଳା ଜଣକ ମେଟ୍ରୋ ଭିତରେ ଥିବା ଗୋଟିଏ ବେଞ୍ଚରେ ବସି ଟିଫିନ୍ ବାକ୍ସ ପରି ଦେଖାଯାଉଥିବା ଏକ ଡବାରୁ କିଛି ଜିନିଷ କାଢ଼ି ଖାଉଥିବାର ଦେଖାଯାଇଛି।ମେଟ୍ରୋ ନିୟମ ଉଲ୍ଲଂଘନକୁ ଲକ୍ଷ୍ୟ କରି, ସୁରକ୍ଷା କର୍ମଚାରୀମାନେ ଆଜି ସକାଳେ ମାଦାଭାରା ଷ୍ଟେସନରେ ମହିଳାଙ୍କୁ ଅଟକାଇ ଜରିମାନା କରିଛନ୍ତି।