ପାଟିକୁ ଏତେ ସ୍ୱାଦିଷ୍ଟ ଲାଗୁଥିବା ସପୁରୀ ଅନେକ ଆବଶ୍ୟକୀୟ ପୋଷକତତ୍ତ୍ୱରେ ଭରପୂର ହୋଇଥାଏ । ତେବେ ସପୁରୀ କେବଳ ସୁସ୍ୱାଦୁ ନୁହେଁ ଏହାର ଅନେକ ଔଷଧୀୟ ଗୁଣ ଯୋଗୁଁ ଏହାକୁ ସବୁଠାରୁ ଉପକାରୀ ଫଳ ବୋଲି ମଧ୍ୟ କୁହାଯାଏ । ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ, ସପୁରୀରେ ଭିଟାମିନ୍ ସି, ଭିଟାମିନ୍ ବି୬, ମାଙ୍ଗାନିଜ୍, ପୋଟାସିୟମ୍, ଫୋଲେଟ୍ ଏବଂ ଫାଇବର ସମେତ ଅନେକ ପୋଷକ ତତ୍ତ୍ୱ ରହିଛି । ଏହି କାରଣରୁ ସପୁରୀକୁ ସ୍ୱାସ୍ଥ୍ୟ ପାଇଁ ଏକ ବରଦାନ ବୋଲି ବିବେଚନା କରାଯାଏ ।
ଯଦି ଆପଣ ସଠିକ ପରିମାଣରେ ଏବଂ ସଠିକ୍ ଉପାୟରେ ସପୁରୀ ଖାଆନ୍ତି ତେବେ ଏହା ଆପଣଙ୍କ ସାମଗ୍ରିକ ସ୍ୱାସ୍ଥ୍ୟ ଉପରେ ଅନେକ ସକାରାତ୍ମକ ପ୍ରଭାବ ପକାଇପାରେ । ସପୁରୀ ଆପଣଙ୍କ ହୃଦୟ ସ୍ୱାସ୍ଥ୍ୟକୁ ସୁଦୃଢ଼ କରିବାରେ ପ୍ରଭାବଶାଳୀ ପ୍ରମାଣିତ ହୋଇପାରେ । ଯଦି ଆପଣ ଗମ୍ଭୀର ଏବଂ ଜୀବନଘାତକ ହୃଦରୋଗର ଆଶଙ୍କା କମାଇବାକୁ ଚାହୁଁଛନ୍ତି, ତେବେ ଆପଣ ପୁଷ୍ଟିକର ତଥା ରସଯୁକ୍ତ ପଣସ ଖାଇବା ଆରମ୍ଭ କରିବା ଉଚିତ । ଏହି ଫଳକୁ ଖାଇବା ଦ୍ୱାରା ଆମ ହାଡ଼ ମଜବୁତ ରହିଥାଏ ।
ସପୁରୀରେ ମିଳୁଥିବା ସମସ୍ତ ପୋଷକ ତତ୍ତ୍ୱ ଆପଣଙ୍କ ଗଟ୍ ହେଲ୍ଥ ପାଇଁ ମଧ୍ୟ ଲାଭଦାୟକ ସାବ୍ୟସ୍ତ ହୋଇପାରେ । ପେଟ ସମ୍ବନ୍ଧୀୟ ସମସ୍ୟାରୁ ମୁକ୍ତି ପାଇବା ପାଇଁ, ଆପଣ ନିଜ ଡାଏଟରେ ସପୁରୀ ସାମିଲ କରିପାରିବେ । ଯଦି ଆପଣ ନିଜ ୱେଟ୍ ଲସ୍ ଜର୍ଣ୍ଣିକୁ ସହଜ କରିବାକୁ ଚାହୁଁଛନ୍ତି, ତେବେ ଆପଣ ସପୁରୀ ଖାଇପାରିବେ । ଏଥିରେ କ୍ୟାଲୋରୀର ମାତ୍ରା କମ୍ ହେବା ସହିତ ଭିଟାମିନ ଏବଂ ମିନେରାଲ୍ସ ମଧ୍ୟ ଭରପୁର ଭାବେ ରହିଥାଏ । ଏଥିରେ ଅତ୍ୟଧିକ ମାତ୍ରାରେ ଜଳୀୟ ଅଂଶ ଥିବାରୁ ଏହା ଶରୀରକୁ ସତେଜ ମଧ୍ୟ ରଖିଥାଏ ।
ଆପଣଙ୍କ ସୂଚନା ପାଇଁ କହି ରଖୁଛୁ ଯେ ସପୁରୀ ଖାଇବା ଦ୍ୱାରା ଆପଣଙ୍କ ଆଖିର ସ୍ୱାସ୍ଥ୍ୟ ଉପରେ ମଧ୍ୟ ସକାରାତ୍ମକ ପ୍ରଭାବ ପଡ଼ିଥାଏ । ଏଥିରେ ପ୍ରଚୁର ପରିମାଣର ଭିଟାମିନ୍ ସି ମିଳିଥାଏ । ଏହି କାରଣରୁ ରୋଗ ପ୍ରତିରୋଧକ ଶକ୍ତିକୁ ସୁଦୃଢ଼ କରିବା ପାଇଁ ସପୁରୀ ଖାଇବାକୁ ପରାମର୍ଶ ଦିଆଯାଏ । ଯଦି ଆପଣ ଦୁର୍ବଳ ରୋଗ ପ୍ରତିରୋଧକ ଶକ୍ତି ଯୋଗୁଁ ବାରମ୍ବାର ଅସୁସ୍ଥ ହେଉଛନ୍ତି, ତେବେ ଆପଣ ପୁଷ୍ଟିକର ସପୁରୀ ଖାଇବା ନିହାତି ଆବଶ୍ୟକ ।
ଏହା କେବଳ ଯେ ଆପଣଙ୍କ ସ୍ୱାସ୍ଥ୍ୟ ପାଇଁ ଲାଭଦାୟକ ତା’ ନୁହେଁ ଅନେକ ସ୍ୱାସ୍ଥ୍ୟଲାଭ ସହିତ ଏହା ଆପଣଙ୍କ ତ୍ୱଚା ପାଇଁ ମଧ୍ୟ ବହୁତ ଲାଭଦାୟକ ସାବ୍ୟସ୍ତ ହୋଇପାରେ । ଯଦି ଆପଣ ଚର୍ମ ସମ୍ବନ୍ଧୀୟ କୌଣସି ସମସ୍ୟାରେ ପଡ଼ନ୍ତି, ତେବେ ସପୁରୀ ଖାଆନ୍ତୁ କିମ୍ବା ଏହାର ରସ ପିଅନ୍ତୁ । ବ୍ରଣ ସହିତ ଏହା ଦ୍ୱାରା ସୃଷ୍ଟି ହୋଇଥିବା ଦାଗକୁ ମଧ୍ୟ ହ୍ରାସ କରିଥାଏ । ସପୁରୀ ରସରେ ଥିବା ପୋଷକ ତତ୍ତ୍ୱ ତ୍ୱଚାରୁ ଡେଡ୍ ସ୍କିନ୍ ସେଲସଗୁଡ଼ିକୁ କମ୍ କରିଥାଏ, ଯାହା ଆପଣଙ୍କ ସ୍କିନକୁ ଏକ ନ୍ୟାଚୁରାଲ୍ ଗ୍ଲୋ ଦେଇଥାଏ ।
