ନୂଆଦିଲ୍ଲୀ ୦୮।୦୪: ଇଣ୍ଡୋନେସିଆରେ ଭୟଙ୍କର ଭୂମକମ୍ପ । ରିକ୍ଟର ସ୍କେଲ୍ର ତୀବ୍ରତା ୫.୯ ରେକର୍ଡ କରାଯାଇଛି । ମଙ୍ଗଳବାର ସକାଳେ ଏହି ଭୂକମ୍ପର ଝଟକା ଅନୁଭୂତ ହୋଇଥିଲା । କିନ୍ତୁ ଆରମ୍ଭରେ ଏଜେନ୍ସି ଭୂମିକମ୍ପର ତୀବ୍ରତା ୬.୨ ବୋଲି କହିଥିଲା, କିନ୍ତୁ ପରେ ଏହାକୁ ହ୍ରାସ କରିଥିଲା।ହେଲେ ଏହି ଭୂମିକମ୍ପ ଯୋଗୁଁ ଏପର୍ଯ୍ୟନ୍ତ କୌଣସି କ୍ଷୟକ୍ଷତିର ରିପୋର୍ଟ ମିଳିନାହିଁ।
ମଙ୍ଗଳବାର ଜକାର୍ତ୍ତା ସମୟ ଅନୁସାରେ ରାତି ୨:୪୮ରେ ଭୂମିକମ୍ପ ହୋଇଥିଲା। ଏହାର କେନ୍ଦ୍ରସ୍ଥଳ ସିମେଉଲୁ ରିଜେନ୍ସିରେ ସିନାବୁଙ୍ଗ ସହରରୁ ୬୨ କିଲୋମିଟର ଦକ୍ଷିଣ-ପୂର୍ବରେ, ସମୁଦ୍ର ପତ୍ତନଠାରୁ ୩୦ କିଲୋମିଟର ତଳେ ଥିଲା। ଭୂମିକମ୍ପ ଯୋଗୁଁ ବଡ଼ ସମୁଦ୍ର ତରଙ୍ଗ ସୃଷ୍ଟି ହେବାର ସମ୍ଭାବନା ନଥିବାରୁ ସୁନାମି ଚେତାବନୀ ଜାରି କରାଯାଇ ନାହିଁ। “ଭୂମିକମ୍ପ ପ୍ରଭାବିତ ଅଞ୍ଚଳଗୁଡ଼ିକରେ, ବିଶେଷକରି ସିମେଉଲୁ ରିଜେନ୍ସିରେ ଏପର୍ଯ୍ୟନ୍ତ କୌଣସି କ୍ଷୟକ୍ଷତି କିମ୍ବା ମୃତାହତର ରିପୋର୍ଟ ନାହିଁ।
ଆପଣଙ୍କୁ ଜଣାଇ ଦେଉଛୁ ଯେ ଇଣ୍ଡୋନେସିଆ ଏକ ଦ୍ୱୀପପୁଞ୍ଜ ରାଷ୍ଟ୍ର। ଯାହା ଭୂକମ୍ପ ଦୃଷ୍ଟିରୁ ସକ୍ରିୟ ପ୍ରଶାନ୍ତ ମହାସାଗରୀୟ ବଳୟରେ ଅବସ୍ଥିତ ହୋଇଥିବାରୁ ଭୂମିକମ୍ପର ସମ୍ଭାବନା ଅଧିକ। ଦେଶରେ ୧୨୭ଟି ସକ୍ରିୟ ଜ୍ୱାଳାମୁଖୀ ଅଛି ଏବଂ ଏହି କାରଣରୁ ଏଠାରେ ନିରନ୍ତର ଟେକ୍ଟୋନିକ୍ କାର୍ଯ୍ୟକଳାପ ଜାରି ରହିଛି।
