Utkala KhabarUtkala KhabarUtkala Khabar
Notification Show More
Font ResizerAa
  • ରାଜ୍ୟ
  • ଦେଶ-ବିଦେଶ
  • ଖେଳ
  • ବାଣିଜ୍ୟ
  • ଅପରାଧ
  • ରାଶିଫଳ
  • ଜୀବନଚର୍ଯ୍ୟା
  • ବିଶେଷ
Reading: ଆମେରିକା-ଚୀନ୍‌ ମଧ୍ୟରେ ତୀବ୍ର ହେଲା ବାଣିଜ୍ୟ ଯୁଦ୍ଧ, ଡ୍ରାଗନ ଉପରେ ୧୦୪% ଟାରିଫ୍
Share
Font ResizerAa
Utkala KhabarUtkala Khabar
Search
  • ରାଜ୍ୟ
  • ଦେଶ-ବିଦେଶ
  • ଖେଳ
  • ବାଣିଜ୍ୟ
  • ଅପରାଧ
  • ରାଶିଫଳ
  • ଜୀବନଚର୍ଯ୍ୟା
  • ବିଶେଷ
Follow US
ଦେଶ-ବିଦେଶ

ଆମେରିକା-ଚୀନ୍‌ ମଧ୍ୟରେ ତୀବ୍ର ହେଲା ବାଣିଜ୍ୟ ଯୁଦ୍ଧ, ଡ୍ରାଗନ ଉପରେ ୧୦୪% ଟାରିଫ୍

utkala khabar
Last updated: April 9, 2025 11:32 am
utkala khabar
Published April 9, 2025
Share
SHARE

ୱାଶିଂଟନ,୦୯/୦୪: ବିଶ୍ୱର ଦୁଇ ପ୍ରମୁଖ ଅର୍ଥବ୍ୟବସ୍ଥା ଆମେରିକା ଏବଂ ଚୀନ୍‌ ମଧ୍ୟରେ ତୀବ୍ରତର ହୋଇଛି ବାଣିଜ୍ୟ ଯୁଦ୍ଧ । ଉଭୟ ପରସ୍ପର ବିରୋଧରେ ପାଲଟା ଶୁଳ୍କ ହମ୍‌ଲା କରିଚାଲିଛନ୍ତି । ହ୍ୱାଇଟ୍‌ ହାଉସ୍‌ ସୂଚନା ମୁତାବକ, ଡୋନାଲ୍ଡ ଟ୍ରମ୍ପଙ୍କ ଶୁଳ୍କ ବାଣର କଡ଼ା ଜବାବ ଦେଇଥିବା ଚୀନ୍‌ର ସାମଗ୍ରୀ ଉପରେ ଏବେ ୧୦୪%ର ଟାରିଫ୍‌ ଲଗାଇବ ଟ୍ରମ୍ପ ପ୍ରଶାସନ । ମଙ୍ଗଳବାର ମଧ୍ୟରାତ୍ରରୁ ଏହାକୁ ଲାଗୁ କରାଯାଇଛି ।

ଏଥିସହ ବିଶ୍ୱ ବାଣିଜ୍ୟ ଯୁଦ୍ଧ ଅଧିକ ଭୟଙ୍କର ହେବାକୁ ଯାଉଥିବା ଅର୍ଥନୀତିଜ୍ଞମାନେ ଚେତାବନୀ ଦେଇଛନ୍ତି । ଅନ୍ୟପକ୍ଷରେ, ଟ୍ରମ୍ପଙ୍କ ଶୁଳ୍କନୀତି ବିରୋଧରେ ସ୍ୱର ଉଠାଇଛନ୍ତି ଟେସ୍‌ଲା ସିଇଓ ଏଲନ୍‌ ମସ୍କ । ପ୍ରଥମେ ବ୍ୟବସାୟ, ପରେ ବନ୍ଧୁତ୍ୱ । ଟେସ୍‌ଲା ସିଇଓ ମସ୍କ ଏବେ ଉକ୍ତ ଦିଗରେ ବଢୁଛନ୍ତି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ତାଙ୍କ ପ୍ରଶାସନରେ ସରକାରୀ ଦକ୍ଷତା ବିଭାଗ ମୁଖ୍ୟ ମସ୍କଙ୍କ ମଧ୍ୟରେ କୁହୁଳିଲାଣି ବିବାଦ । ବିବାଦ ଟ୍ରମ୍ପଙ୍କ ଶୁଳ୍କନୀତିକୁ ନେଇ ।

ଚୀନ୍‌ ଉପରେ ଲଗାଯାଇଥିବା ଟାରିଫ୍‌କୁ ନେଇ ଚିନ୍ତାରେ ମସ୍କ । ଏହା ଯୋଗୁ ତାଙ୍କ କମ୍ପାନି ଟେସ୍‌ଲାର ବ୍ୟବସାୟ ପ୍ରଭାବିତ ହେଉଥିବା ସେ ଦର୍ଶାଇଛନ୍ତି । ଏହାସହିତ ଶୁଳ୍କକୁ ହଟାଇବା ପାଇଁ ସେ ଅନୁରୋଧ କରିଥିବାବେଳେ ଟ୍ରମ୍ପ ଏହାକୁ ଖାରଜ କରିଦେଇଥିବା ଏକ ଗଣମାଧ୍ୟମ ରିପୋର୍ଟକୁ ଜଣାପଡ଼ିଛି । ମସ୍କ ମୁକ୍ତ ବାଣିଜ୍ୟ ନୀତି ସପକ୍ଷରେ ସ୍ୱର ଉଠାଇଥିବାବେଳେ ଟ୍ରମ୍ପଙ୍କ ଆକ୍ରାମକ ବାଣିଜ୍ୟ ନୀତିକୁ ଦୃଢ଼ ସମାଲୋଚନା କରୁଛନ୍ତି । ଟ୍ରମ୍ପଙ୍କ ଟାରିଫ୍‌ ନୀତିକୁ ସେ ଅବ୍ୟବହାରିକ କହିଛନ୍ତି । ଯେସାକୁ ତେସା ଶୁଳ୍କ ନୀତି ଘୋଷଣା ହେବା ପରେ ଏଲନ୍‌ ମସ୍କଙ୍କ ନେଟ୍‌ ସମ୍ପତ୍ତି ପ୍ରାୟ ୯୪ ହଜାର କୋଟି ଟଙ୍କା ହ୍ରାସ ପାଇଛି ।

ମସ୍କ ଏହାକୁ ପ୍ରତ୍ୟାହାର କରିବାକୁ ଅନୁରୋଧ କରୁଥିବାବେଳେ ଟ୍ରମ୍ପ ଜିଦିରେ ଅଟଳ । କୌଣସି ରାଷ୍ଟ୍ର ଉପରେ ଶୁଳ୍କକୁ ରୋକାଯିବ ନାହିଁ ବୋଲି ସେ କହିଛନ୍ତି । ବର୍ତ୍ତମାନ ମସ୍କ ଖୋଲାଖୋଲି ଭାବେ ଟ୍ରମ୍ପ ପ୍ରଶାସନର ଶୁଳ୍କନୀତିକୁ ବିରୋଧ କରୁଛନ୍ତି । ଏହାକୁ ନେଇ ସେ ହ୍ୱାଇଟ୍‌ ହାଉସ୍‌ର ବାଣିଜ୍ୟ ଉପଦେଷ୍ଟା ପିଟର ନାଭାରୋଙ୍କ ବିରୋଧରେ ଅନ୍‌ଲାଇନ୍‌ ବିଦ୍ରୋହ ଆରମ୍ଭ କରିଛନ୍ତି । ଟେସ୍‌ଲା ସିଇଓ ଜଣେ କାର ନିର୍ମାତା ନୁହେଁ ବରଂ କାର୍‌ ଆସେମ୍ବ୍ଲର  ।

ଏହାଛଡ଼ା କମ୍ପାନି ବିଦେଶୀ ଉପକରଣ ଉପରେ ଅଧିକ ନିର୍ଭରଶୀଳ ବୋଲି ନାଭାରୋ କହିଥିବାବେଳେ ଏହା ଉପରେ ପ୍ରତିକ୍ରିୟା ରଖିଛନ୍ତି ମସ୍କ । କାର୍‌ସ ଡଟ୍‌ କମ୍‌ର ଆମେରିକାନ୍‌-ମେଡ୍‌ ସୂଚକାଙ୍କର ଡାଟା ସେୟାର କରି ମସ୍କ ଜବାବ ରଖିଛନ୍ତି ଯେ, ଶୀର୍ଷ-୪ ଆମେରିକାନ୍‌-ମେଡ୍‌ କାର ହେଉଛି ଟେସ୍‌ଲାର । ଏହି ମଡେଲଗୁଡ଼ିକ ହେଲା ମଡେଲ ୱାଇ, ମଡେଲ୍‌ ୩, ମଡେଲ୍‌ ଏକ୍ସ ଏବଂ ମଡେଲ୍‌ ଏସ୍‌ । ନାଭାରୋ ଯାହା କହିଛନ୍ତି ସବୁ ମିଛ । ତାଙ୍କ ଶିକ୍ଷାଗତ ଯୋଗ୍ୟତାର ଯାଞ୍ଚ କରାଯାଉ ।

 

You Might Also Like

LOCରେ ପାକିସ୍ତାନର ଗୁଳିମାଡ଼, ମୁହଁତୋଡ ଜବାବ ଦେଲା ଭାରତୀୟ ସେନା

୨୦୨୭ ମାର୍ଚ୍ଚ ୧ରୁ ଦେଶରେ ଜନଗଣନା

ମାରୁତି ଲଞ୍ଚ କରିବାକୁ ଯାଉଛି ହାଇବ୍ରିଡ୍ କାର, ଜାଣନ୍ତୁ ଏହାର ଦାମ କେତେ ?

ଭୂକମ୍ପ ଝଟକାରେ ଥରିଲା ଜମ୍ମୁ କଶ୍ମୀର

ତୁର୍କୀ ସହ ସମସ୍ତ ସମ୍ପର୍କ କାଟିବା ପାଇଁ ସାମାଜିକ ଗଣମାଧ୍ୟମରେ ଅପିଲ୍

TAGGED:#china#india#internationalnews#tariff#utkalkhabaramerica
Share This Article
Facebook Email Print
Leave a Comment

Leave a Reply Cancel reply

Your email address will not be published. Required fields are marked *

Welcome Back!

Sign in to your account

Username or Email Address
Password

Lost your password?