ଜମ୍ମୁ -କାଶ୍ମୀର ୨୩/୪ : ପହଲଗାମରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ପହଲଗାମରେ ଆତଙ୍କବାଦୀଙ୍କ ଆକ୍ରମଣ ସ୍ଥାନରେ ପହଞ୍ଚି ସ୍ଥିତି ଅନୁଧ୍ୟାନ କରିବା ସହିତ ମୃତକଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ଶାହା । ଏଥିସହ କିଛି ମୃତକଙ୍କ ପରିବାରକୁ ସେ ଭେଟି ସମବେଦନା ଜଣାଇଛନ୍ତି ।
ଆତଙ୍କବାଦୀ ଆକ୍ରମଣ ପରେ ସେ ସୁରକ୍ଷା ସ୍ଥିତି ନେଇ ସେ ବରିଷ୍ଠ ଅଧିକାରୀଙ୍କ ସହ ଆଲୋଚନା କରିବେ । ଗତକାଲି ଆତଙ୍କୀ ହମଲା ପରେ ଅମିତ ଶାହା ଶ୍ରୀନଗରରେ ପହଞ୍ଚି ଥିଲେ ।
ପହଲଗାମ ଆତଙ୍କୀ ଆକ୍ରମଣ ପରେ ପ୍ରଧାନମନ୍ତ୍ରୀ ମୋଦି ସାଉଦି ଆରବରୁ ଫେରିଆସି ଦିଲ୍ଲୀ ଏୟାରପୋର୍ଟରେ ପହଞ୍ଚିଥିଲେ । ଦିଲ୍ଲୀରେ ପହଂଚି ସ୍ଥିତି ସମୀକ୍ଷା କରିଛନ୍ତି। ଦିଲ୍ଲୀ ଏୟାରପୋର୍ଟରେ ପ୍ରଥମ ବୈଠକ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବୈଠକରେ ବୈଦେଶିକ ମନ୍ତ୍ରୀ ଏସ.ଜୟଶଙ୍କର, NSA ଅଜିତ ଡୋଭାଲ, ବୈଦେଶିକ ସଚିବ ବିକ୍ରମ ମିଶ୍ରି ଓ ଅନ୍ୟ ଅଧିକାରୀ ଉପସ୍ଥିତ ଥିଲେ । ଆଜି ସୁରକ୍ଷା ସଂପର୍କିତ କ୍ୟାବିନେଟ ବୈଠକରେ ଏ ସଂପର୍କରେ ମଧ୍ୟ ଆଲୋଚନା ହେବ । ଏଥିରେ ପ୍ରଧାନମନ୍ତ୍ରୀ ମୋଦି ଅଧ୍ୟକ୍ଷତା କରିବେ ।
ସୂଚନାଯୋଗ୍ୟ, ପୁଲଓ୍ବାମା ପରେ ଜମ୍ମୁ କାଶ୍ମୀର ଅନନ୍ତାନାଗ ଜିଲ୍ଲା ପହଲଗାମରେ ଆତଙ୍କୀ ହମଲା ହୋଇଛି। ଯେଉଁଥିରେ ପର୍ଯ୍ୟଟକଙ୍କ ଉପରେ ଆଖିବୁଜା ଗୁଳିମାଡ଼ କରିଛନ୍ତି ଆତଙ୍କୀ। ହମଲା ଜଣେ ଓଡ଼ିଆ ପର୍ଯ୍ୟକଙ୍କ ସମେତ ମୋଟ ୨୬ ଜଣଙ୍କ ମୃତ୍ୟୁ ହୋଇଛି।