ଆଇପିଏଲ ୦୧ /୦୪ : ମୁମ୍ବାଇ ଇଣ୍ଡିଆନ୍ସ କୋଲକତା ନାଇଟ ରାଇଡର୍ସକୁ ୮ ୱିକେଟରେ ହରାଇଛି । ଟିମ୍ ଏବେ ଆଇପିଏଲ ପଏଣ୍ଟ ତାଲିକାରେ ୧୦ମ ସ୍ଥାନରୁ ଉଠି ୬ ନଂ ସ୍ଥାନରେ ପହଞ୍ଚିଛି । ଆଇପିଏଲ ଡେବ୍ୟୁ କରିଥିବା ଅଶ୍ବିନ କୁମାର ୪ ୱିକେଟ ନେଇ ଇତିହାସ ରଚିଛନ୍ତି । ଆଇପିଏଲ ଡେବ୍ୟୁରେ ସବୁଠାରୁ ଅଧିକ ୱିକେଟ ନେଇଥିବା ଭାରତୀୟ ବୋଲର ହୋଇଛନ୍ତି ଅଶ୍ବିନ । ମୁମ୍ବାଇ ଇଣ୍ଡିଆନ୍ସ ଏହି ମ୍ୟାଚ ଜିତିବା ପରେ ହାର୍ଦ୍ଦିକଙ୍କ ଗର୍ଲଫ୍ରେଣ୍ଡ ଜସ୍ମିନ ୱାଲିୟା ଟିମକୁ ଚିୟର କରିବା ପାଇଁ ଷ୍ଟାଣ୍ଡରେ ରହିଥିଲେ, କେବଳ ଏତିକି ନୁହେଁ, ମ୍ୟାଚ ପରେ ଟିମ ବସରେ ମଧ୍ୟ ନଜର ଆସିଥିଲେ ।
ଆଇପିଏଲ ମ୍ୟାଚ ସମୟରେ ଅନେକ ଖେଳାଳି ନିଜ ପରିବାର ସହିତ ଷ୍ଟାଡିୟମକୁ ଆସୁଛନ୍ତି । ସେମାନଙ୍କର ବସିବା ପାଇଁ ଅଲଗା ବ୍ୟବସ୍ଥା ହୋଇଛି । ଆଇପିଏଲ ଫ୍ରାଞ୍ଚାଇଜ ପକ୍ଷରୁ ହୋଟେଲରୁ ଷ୍ଟାଡିୟମ କିମ୍ବା ଏୟାରପୋର୍ଟ ପର୍ଯ୍ୟନ୍ତ ଛାଡିବା ପାଇଁ ଖେଳାଳିଙ୍କ ସହିତ ପରିବାର ପାଇଁ ବସ୍ ବ୍ୟବସ୍ଥା କରାଯାଇଛି । ମୁମ୍ବାଇ ଇଣ୍ଡିଆନ୍ସ କେକେଆର ବିପକ୍ଷରେ ଜିତିବା ପରେ ଜସ୍ମିନ ୱାଲିୟା ଟିମ୍ ବସରେ ନଜର ଆସିଥିଲେ । ଏହି ବସରେ ଖେଳାଳିଙ୍କ କୋଚିଂ ଷ୍ଟାଫ ଏବଂ ଖେଳାଳିଙ୍କ ପରିବାର ଲୋକ ରହିଥିଲେ ।
ଭିଡିଓରେ ଦେଖିବାକୁ ମିଳିଛି କି, ଜସ୍ମିନ ୱାଲିୟା ବସରେ ଚଢୁଥିଲେ, ଏଥିରେ ମୁମ୍ବାଇ ଇଣ୍ଡିଆନ୍ସ ଖେଳାଳି ମଧ୍ୟ ଚଢିଥିଲେ । ଦୀପକ ଚହର ଏବଂ ପତ୍ନୀ ଜୟା ଭରଦ୍ବାଜ ବସରେ ଚଢୁଥିବାର ନଜର ଆସିଛନ୍ତି । ଭିଡିଓ ସୋସିଆଲ ମିଡିଆରେ ଭାଇରଲ ହେବା ପରେ ଲୋକ ବିଭିନ୍ନ ପ୍ରକାରର ପ୍ରତିକ୍ରିୟା ଦେଇଛନ୍ତି ।
ମୁମ୍ବାଇ ଇଣ୍ଡିଆନ୍ସ କୋଲକାତା ନାଇଟ୍ ରାଇଡର୍ସକୁ ୮ ୱିକେଟରେ ପରାସ୍ତ କରିଛି । ୱାଙ୍ଖଡେ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚରେ କେକେଆର ଦଳ ପ୍ରଥମେ ଖେଳି ମାତ୍ର ୧୧୬ ରନ୍ରେ ଆଉଟ୍ ହୋଇଥିଲେ । ଏହାର ଜବାବରେ ମୁମ୍ବାଇ ୧୩ ଓଭରରେ ଏହି ଲକ୍ଷ୍ୟ ହାସଲ କରିଛି ଏବଂ ଆଇପିଏଲ ୨୦୨୫ ରେ ପ୍ରଥମ ବିଜୟ ପଞ୍ଜିକରଣ କରିଛି । ଲଗାତାର ଦୁଇଟି ପରାଜୟର ସମ୍ମୁଖୀନ ହେବା ପରେ ମୁମ୍ବାଇ ଚଳିତ ସିଜନରେ ପ୍ରଥମ ବିଜୟ ହାସଲ କରିଛି । ଲଗାତାର ଦୁଇ ଥର ପରାଜୟ ହେବା ପରେ ମୁମ୍ବାଇ ଆଇପିଏଲ୍ ୨୦୨୫ ରେ ପ୍ରଥମ ବିଜୟ ହାସଲ କରିଛି । କୋଲକାତା ନାଇଟ୍ ରାଇଡର୍ସ ଏମ୍ଆଇ ପାଇଁ ୧୧୭ ରନ୍ର ଲକ୍ଷ୍ୟ ଧାର୍ଯ୍ୟ କରିଥିଲା ।