କେନ୍ଦ୍ରାପଡ଼ା ୦୯/୫ : କେନ୍ଦ୍ରାପଡା ଜିଲ୍ଲା ରାଜନଗରର ତାଳଚୁଆ ଅଂଚଳରେ ଚାଲିଛି ବେଆଇନ ଆଇସ ଫ୍ୟାକ୍ଟ୍ରି, ଭିତର କନିକା ପ୍ରବେଶ ନିଷେଧ ଅଂଚଳରେ ଚାଲିଛି ଆଇସ ଫ୍ୟାକ୍ଟ୍ରି । କ୍ଷମତାର ଅପବ୍ୟବହାର କରି ସେନ୍ସେଟିଭ ଅଂଚଳରେ ବେଆଇନ ଭାବେ ଆଇସ ଫ୍ୟାକ୍ଟ୍ରି କରିଛନ୍ତି ବିଜେଡି ନେତା । ନିଗମ ଅ।।ଇସ ପ୍ଳାଂଟ,ଜଗନ୍ନାଥ ମାରାଇନ ଓ ଉପାସନା ଅ।।ଇସ ପ୍ଳାଂଟ ନାମରେ ତିନୋଟି ଆଇସ ଫ୍ୟାକ୍ଟ୍ରି ଭିତର କନିକା ଅଂଚଳରେ ବେଇଆଇନ ଭାବେ ଗଢିଉଠିଛି । ସେପଟେ ନିୟମ କହୁଛି ଭିତରକନିକା ସାଂଚୁରି ଭିତରେ କୌଣସି ପ୍ୟାଂକ୍ଟ୍ରି ତିଆରି ହୋଇପାରିବ ନାହିଁ, ହେଲେ କେଉଁ ଭଳି ଭାବରେ ଆଇସ ଫ୍ୟାକ୍ଟ୍ରି ତିଆରି ହେଲା, ଏହା ପଛରେ କାହାର ହାତ ଅଛି ତାହା ଏବେ ଚର୍ଚ୍ଚା ହେଉଛି । ଖାଲି ସେତିକି ନୁହେଁ ଘରୋଇ ବିଦ୍ୟୁତ ସଂଯୋଗ ନେଇ କରିଛନ୍ତି ଆଇସ ଫ୍ୟାକ୍ଟ୍ରି ।
ସେପଟେ ସାଂଚୁରି ଅଂଚଳରେ କୌଣସି କ୍ଷୁଦ୍ର,ମଧ୍ୟମ କିମ୍ବା ବଡ ଧରଣର ଶିଳ୍ପ ହୋଇପାରିବ ନାହିଁ ବୋଲି କେନ୍ଦ୍ର ସରକାରଙ୍କ ଠାରୁ ଆରମ୍ଭ କରି ରାଜ୍ୟ ସରକାର ନିୟମ କରିଛନ୍ତି କିନ୍ତୁ ନିୟମକୁ ଫୁ କରି ଆଇସ ଫ୍ୟାକ୍ଟ୍ରି କରିଛନ୍ତି ବିଜେଡିର ତିନି ନେତା । ଆଇସ ଫ୍ୟାକ୍ଟ୍ରିରୁ ବାହରୁଥିବା ରାସାୟନିକ ପଦାର୍ଥ ପାଣିରେ ମିଶୁଥିବାରୁ ଭିତରକନିକା ଜାତୀୟ ଉଦ୍ୟାନ ଭିତରେ ଥିବା ଜଳଚର ଜୀବଜନ୍ତୁ ଉପରେ ବେଶ ପ୍ରଭାବ ପଡୁଛି । ଖାଲି ସେତିକି ନୁହେଁ ବିନା ପ୍ରଦ୍ୟୁଷଣ ସାର୍ଟିଫିକେଟରେ କେମିତି ହେଲା ଆଇସ ଫ୍ୟାକ୍ଟ୍ରି । ବନ ବିଭାଗ ଏସବୁ ଜାଣିଛି ନା ଜାଣିଶୁଣି ଚୁପ ରହିଛି । ଏହି ବେଆଇନ ଭାବେ ଗଢି ଉଠିଥିବା ଆଇସ ଫ୍ୟାକ୍ଟ୍ରି ଉପରେ କେବେ କାର୍ଯ୍ୟାନୁଷ୍ଠାନ ନେବ ପ୍ରଶାସନ ।