ପିଲାଠୁ ଆରମ୍ଭ କରି ବଡ ଯାଏଁ ସମସ୍ତେ ଆଇସକ୍ରିମ ଖାଇବାକୁ ପସନ୍ଦ କରିଥାନ୍ତି । ଦିନକୁ ଦିନ ମାର୍କେଟରେ ବିଭିନ୍ନ ପ୍ରକାର ଆଇସ୍କ୍ରିମ ଉପଲବ୍ଧ ହେଉଛି । ଯାହାଦ୍ୱାରା ଆଇସକ୍ରିମର କ୍ରେଜନେସକୁ ବଢାଇଦେଇଛି । ବିଶେଷ କରି ଖରା ଦିନରେ ଆଇସ୍କ୍ରିମର ଚାହିଦା ବଢିଯାଇଥାଏ । ଖରା ଗରମ ପାଇଁ ମଧ୍ୟ ଅନେକ ଜଣ ଆଇସ୍କ୍ରିମ ଖାଇବାକୁ ଅଭ୍ୟାସରେ ପକାଇଦିଅନ୍ତି । ଯାହା ପରେ ଅନେକ ଶାରୀରିକ ସମସ୍ୟାକୁ ସାମ୍ନା କରିବାକୁ ପଡିଥାଏ । ଆଇସ୍କ୍ରିମ ଖାଇବାର ମଜା ଖୁବ୍ ନିଆରା । ସବୁକିଛି ତା ସାମ୍ନାରେ ଫିକା ଭଳି ଲାଗେ । ଆଇସ୍କ୍ରିମର କଥା ଉଠିବା ମାତ୍ରେ ଖାଇବାର ଇଚ୍ଛାକୁ ବଢାଇଦେଇଥାଏ । ଏହାକୁ ଅତ୍ୟଧିକ ଖାଇବା ଦ୍ବାରା ଶରୀରରେ ଅସୁସ୍ଥତା ଦେଖାଦେଇଥାଏ । କିନ୍ତୁ ଆପଣ ଜାଣିଛନ୍ତି କି? ଆଇସ୍କ୍ରିମ୍ କେଉଁମାନଙ୍କ ପାଇଁ ହାନିକାରକ ଆସନ୍ତୁ ଜାଣିବା ।
ଡାଇବେଟିସ୍ ରୋଗୀ : ଖରା ଗରମ ପାଇଁ ଡାଇବେଟିସ ରୋଗୀମାନେ ମଧ୍ୟ ଆଇସ୍କ୍ରିମ୍ ଖାଇବାର ମଜା ନେବାକୁ ଛାଡୁନାହାନ୍ତି । ଆଇସ୍କ୍ରିମରେ ପ୍ରଚୁର ମାତ୍ରାରେ ସୁଗାରର ବ୍ୟବହାର କରାଯାଇଥାଏ । ତେଣୁ ଡାଇବେଟିସ ରୋଗୀଙ୍କ ପାଇଁ ହିତକାରୀ ନୁହେଁ । ଯାହାଫଳରେ ହଠାତ୍ ସୁଗାର ଲେବଲକୁ ବଢାଇଥାଏ । କିଛି ମୁହୁର୍ତ୍ତ୍ବ ପାଇଁ ତ ଆରାମ ମିଳିଥାଏ ହେଲେ ତାଙ୍କ ରୋଗର ସମସ୍ୟାକୁ ଦ୍ବିଗୁଣିତ କରିଦେଇଥାଏ । ତେଣୁ ଡାଇବେଟିସ ରୋଗୀ ଆଇସ୍କ୍ରମ ଖାଇବା ଆଦୌ ଉଚିତ୍ ନୁହେଁ।
ହାର୍ଟ ରୋଗୀ :
ଆଇସ୍କ୍ରିମରେ କେମିକାଲ ଗୁଣ ଥିବା ହେତୁ ଏହା ହାର୍ଟ ରୋଗୀଙ୍କ ପାଇଁ ମଧ୍ୟ ହାନିକାରକ । ଆଇସ୍କ୍ରିମରେ ଥିବା କ୍ରିମ ହାର୍ଟ ରୋଗୀଙ୍କ ପାଇଁ ଖରାପ କରିଥାଏ । ଆଇସ୍କ୍ରିମ ଖାଇବା ଦ୍ବାରା କୋଲେଷ୍ଟ୍ରୋଲକୁ ବଢାଇବା ସହ ରକ୍ତଚାପକୁ ମଧ୍ୟ ବଢାଇଦେଇଥାଏ । ଯାହା ହାର୍ଟ ରୋଗୀଙ୍କ ପାଇଁ କ୍ଷତିକାରକ ।
ଦାନ୍ତରେ ସମସ୍ୟା :
ଅଧିକ ଆଇସ୍କ୍ରିମ୍ ଖାଇବା ଫଳରେ ଦାନ୍ତକୁ ଦୁର୍ବଳ କରିଦେଇଥାଏ । ଦାନ୍ତରେ କ୍ୟାବେଟିଜ ଭଳି ସମସ୍ୟା ଦେଖାଦେଇଥାଏ । ଚିନିର ମାତ୍ରା ସେଥିରେ ଥିବାରୁ ଦାନ୍ତ ବିନ୍ଧା ଭଳି ସମସ୍ୟା ମଧ୍ୟ ସୃଷ୍ଟି ହୋଇଥାଏ । ଫଳରେ ଦାନ୍ତ ଜନିତ ସମସ୍ୟାରେ ପୀଡିତ ଥିଲେ ଆଇସ୍କ୍ରିମ୍ ଖାଇବା ଅନୁଚିତ୍ ।
ଓଜନରେ ବୃଦ୍ଧି ହେଉଥିଲେ :
ଆମେ ସାଧାରଣତଃ ଜାଣିଥାଉ କି ଚିନି ଖାଇବା ଦ୍ବାରା ଆମ ଓଜନକୁ ବଢାଇଥାଏ । ଯାହା ବର୍ତ୍ତମାନ ସମୟରେ ମୋଟା ହେବାର ଚିନ୍ତାକୁ ବଢାଇଦେଇଛି । ଏହାର ମୁଖ୍ୟ କାରଣ ହେଉଛି ଆଇସ୍କ୍ରମ ଖାଇବା । ଆଇସ୍କ୍ରିମରେ କ୍ୟଲୋରୀ ଥିବାରୁ ଆମର ମୋଟାପଣକୁ ବଢାଇଥାଏ । ଯଦି ଆପଣ ମୋଟାପଣକୁ କମାଇବାକୁ ଚାହୁଁଛନ୍ତି ତେବେ ଆଇସ୍କ୍ରିମ୍ କାଇବା ଉଚିତ୍ ନୁହେଁ ।
