ଦକ୍ଷିଣ ଭାରତୀୟ ୧୬/୫ : ଦକ୍ଷିଣ ଭାରତୀୟ ଫିଲ୍ମ ଇଣ୍ଡଷ୍ଟ୍ରୀର ଲୋକପ୍ରିୟ ଖୁବ ସୁନ୍ଦର ଅଭିନେତ୍ରୀ ସାମନ୍ଥା ରୁଥ୍ ପ୍ରଭୁ ଏବଂ ପ୍ରଖ୍ୟାତ ନିର୍ଦ୍ଦେଶକ ରାଜ ନିଦିମୋରୁଙ୍କ ମଧ୍ୟରେ ଡେଟିଂ ଗୁଜବ ଦୀର୍ଘ ଦିନ ଧରି ଚର୍ଚ୍ଚାରେ ରହିଛି। ଏବେ ଶୁଣାଯାଉଛି କି ଦୁହେଁ ଏକାଠି ଡେଟିଂ କରିବାରେ ବ୍ୟସ୍ତ ଅଛନ୍ତି । ଦୁଇ ଜଣ ଏକାଠି ଘର କରିବାକୁ ଯାଉଛନ୍ତି, ଯାହା ସେମାନଙ୍କ ସମ୍ପର୍କକୁ ଆହୁରି ଗଭୀର କରିଛି ବୋଲି ଜଣାପଡୁଛି। ମିଳିଥିବା ସୂଚନା ଅନୁଯାୟୀ ସାମନ୍ଥା ଓ ରାଜ ନିଦିମୋରୁଙ୍କ ସମ୍ପର୍କର ଗୁଜବ ସେତେବେଳେ ଆରମ୍ଭ ହୋଇଥିଲା ଯେତେବେଳେ ସାମନ୍ଥା ୨୦୨୫ ଫେବୃଆରୀ ୧ ତାରିଖରେ ଏକ ପିକଲବଲ ଟୁର୍ଣ୍ଣାମେଣ୍ଟରୁ କିଛି ଫଟୋ ଇନଷ୍ଟାଗ୍ରାମରେ ପୋଷ୍ଟ କରିଥିଲେ। ଏହି ଫଟୋ ମଧ୍ୟରେ ଗୋଟିଏ ଫଟୋରେ ସେ ରାଜଙ୍କ ହାତ ଧରିଥିବା ଦେଖାଯାଇଥିଲା, ଯାହା ପ୍ରଶଂସକଙ୍କ ମଧ୍ୟରେ ତୀବ୍ର ଚର୍ଚ୍ଚାର କାରଣ ହୋଇଥିଲା।
ସାମନ୍ଥା ଚେନ୍ନାଇ ସୁପର ଚାମ୍ପସ ନାମକ ପିକଲବଲ ଟିମର ମାଲିକ ଅଟନ୍ତି, ଏବଂ ରାଜ ମଧ୍ୟ ଏହି ଇଭେଣ୍ଟରେ ତାଙ୍କ ସହ ଉପସ୍ଥିତ ଥିଲେ। ଏହା ପରେ ମାର୍ଚ୍ଚ ମାସରେ ଏକ ଜନ୍ମଦିନ ପାର୍ଟିରେ ଦୁହେଁ ଏକ, ଏକ ଫଟୋ ଭାଇରାଲ ହୋଇଥିଲା, ଯେଉଁଥିରେ ସାମନ୍ଥା ଏକ ସବୁଜ ଡ୍ରେସରେ ଓ ରାଜ ସାଧାରଣ ପୋଷାକରେ ଦେଖାଯାଇଥିଲେ।
ସାମନ୍ଥା ଓ ରାଜ ଏକାଠି ରହିବାକୁ ନିଷ୍ପତ୍ତି ନେଇଛନ୍ତି, ଯାହା ସେମାନଙ୍କ ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ବିବେଚନା କରାଯାଉଛି। ଏହି ଖବର ସୋସିଆଲ ମିଡିଆରେ ତୀବ୍ର ଚର୍ଚ୍ଚାର ବିଷୟ ହୋଇଛି, ଯେଉଁଠାରେ ପ୍ରଶଂସକମାନେ ଏହି ଜୋଡ଼ିଙ୍କୁ “ସାମରାଜ” ନାମ ଦେଇ ସେମାନଙ୍କ ସମ୍ପର୍କକୁ ସମର୍ଥନ କରୁଛନ୍ତି।
ସାମନ୍ଥା ପୂର୍ବରୁ ୨୦୧୭ରେ ଅଭିନେତା ନାଗା ଚୈତନ୍ୟଙ୍କୁ ବିବାହ କରିଥିଲେ, କିନ୍ତୁ ୨୦୨୧ରେ ଉଭୟେ ଅଲଗା ହୋଇଯାଇଥିଲେ। ଏହା ପରେ ସାମନ୍ଥା ତାଙ୍କ ବ୍ୟକ୍ତିଗତ ଜୀବନକୁ ନେଇ ଅଧିକ ଖୋଲାଖୋଲି କଥା କହିବା ବନ୍ଦ କରିଦେଇଛନ୍ତି ଏବଂ ତାଙ୍କ କାର୍ଯ୍ୟ ଉପରେ ଅଧିକ ଧ୍ୟାନ ଦେଇଛନ୍ତି। ରାଜ ନିଦିମୋରୁ ୨୦୧୫ ମସିହାରେ ଶ୍ୟାମଳୀ ଡେଙ୍କୁ ବିବାହ କରିଥିଲେ, ଯିଏ ଜଣେ ସାଇକୋଲୋଜି ଗ୍ରାଜୁଏଟ ଏବଂ ଫିଲ୍ମ ଇଣ୍ଡଷ୍ଟ୍ରୀରେ ସ୍କ୍ରିପ୍ଟ ରାଇଟର ଓ କ୍ରିଏଟିଭ କନସଲଟାଣ୍ଟ ଭାବେ କାମ କରିଛନ୍ତି।
ସାମନ୍ଥା ଓ ରାଜଙ୍କ ଡେଟିଂ ଗୁଜବ ମଧ୍ୟରେ ଶ୍ୟାମଳୀଙ୍କର ଏକ ଇନଷ୍ଟାଗ୍ରାମ ଷ୍ଟୋରୀ ମଧ୍ୟ ଚର୍ଚ୍ଚାରେ ରହିଛି, ଯେଉଁଥିରେ ସେ ଏକ ଶାନ୍ତିପୂର୍ଣ୍ଣ ବାର୍ତ୍ତା ସହ ସମସ୍ତଙ୍କ ପାଇଁ ଆଶୀର୍ବାଦ କାମନା କରିଥିଲେ।
